Skilmálar

Skilaréttur

Skilafrestur er 14 dagar frá afhendingu vöru, nauðsynlegt er að varan sé í upprunalegum og óskemmdum umbúðum og ástandi auk þess sem að allir fylgihlutir hennar fylgi.  Starfsmenn Optima meta ástand vöru og hvort hún sé endursöluhæf. Optima áskilur sér rétt til að hafna vöruskilum eða endurgreiða vöru með afskriftum. Endurgreiðsla nær ekki til flutningskostnaðar sem fellur til við afhendingu eða vöruskil.

Nauðsynlegt er að framvísa reikningi fyrir kaupum.

Sérpöntuðum vörum fæst einungis skilað ef um galla er að ræða í viðkomandi vöru og tæknimenn Optima meta að ekki sé hægt að gera við hana eða að það svarar ekki kostnaði.

Vörum, sem um er gerður sérstakur samningur og/eða eru fjármagnaðar af þriðja aðila eða Optima, fæst aðeins skilað skv. ákvæðum hvers samnings fyrir sig.

 

Afgreiðsla pantana

Pantanir eru teknar til og afgreiddar eins fljótt og verða má. Vörur má sækja á lager Optima í Víkurhvarfi 2, 203 Kópavogi. Ef valið hefur verið að fá vöru senda þá bætist sendingarkostnaður við skv. neðangreindum skilmálum.  

Höfuðborgarsvæðið: Optima keyrir út og innheimtir sendingarkostnað skv. gjaldskrá sem getið er um við staðfestingu pöntunar í netverslun.

Landsbyggðin: Optima keyrir vöru til flutningsaðila án endurgjalds. Kaupandi greiðir flutningskostnað vöru, beint til flutningsaðila við móttöku vörunnar.

 

Verð

Uppgefið verð í netverslun er með virðisaukaskatti.

 

Ábyrgðarskilmálar

Ábyrgð seljanda er í samræmi við lög þar að lútandi. Ábyrgð á vörum sem seldar eru til einstaklinga er 2 ár en vörur sem seldar eru til lögaðila 1 ár.

Nauðsynlegt er að framvísa gögnum fyrir vörukaupum til að sannreyna ábyrgð á vöru.  

Ábyrgð nær ekki til eðlilegs slits eða notkunar á vöru. Ábyrgð fellur úr gildi ef aðrir en starfsmenn Optima hafa átt við vöruna án samþykkis. Ábyrgð nær ekki til  bilana eða tjóns af utanaðkomandi orsökum, svo sem eldsvoða, vatns, þjófnaðar, slyss, verkfalla, rafmagnsbilunar eða spennubreytinga.

Optima áskilur sér rétt til að sannreyna að um galla sé að ræða áður en endurgreiðsla eða útskipti tækja eiga sér stað.

Optima ber ekki ábyrgð á tjóni sem kann að verða við flutning vöru hjá þriðja aðila. Ef kaupandi vill tryggja vöru sérstaklega fyrir flutning þarf það að koma skýrt fram við vörukaup. Sölumenn Optima hafa þá samband við kaupanda og benda á mögulegar leiðir í boði.

 

Viðgerðir

Allar viðgerðir á búnaði sem Optima selur fara fram á verkstæði Optima eða hjá viðskiptavini sé þess óskað. Verkstæði Optima er staðsett í Víkurhvarfi 2, 203 Kópavogi. Þjónustutími þess er frá kl 08.30 - 16.30 alla virka daga.

 

Öryggi

Optima varðveitir ekki kreditkortanúmer sem gefin eru upp við kaup í netverslun. Þegar komið er að því að gefa upp kortaupplýsingar og ganga frá greiðslu er viðskiptavinur fluttur yfir á örugga greiðslusíðu hjá Borgun. Allar greiðslur eru framkvæmdar í vottuðu umhverfi sem uppfyllir PCI DSS öryggisstaðal.

 

Annað

Optima áskilur sér rétt til að fella niður pöntun ef nauðsynlegt reynist undir einhverjum kringumstæðum, það gæti m.a. gerst vegna ranga verðupplýsinga í netverslun eða að vara er ekki lengur fáanleg hjá Optima eða birgja. Viðskiptavinur er upplýstur um slíkt eins fljótt og verða má.